Сотні вёрстаў прайшоў, а на месцы стаю, падлічаю і крокі, і вёрсты... Клічу з даляў чубатую долю сваю – далі шлюць плач радзімы і лёскат. О, навошта!.. Нялюбы мне голас такі: сам я маю ці мала такога... Няма долі – прышлеце мне песьняў ракіт і зямлі пах у сьцены вастрогу! Мілы сэрцу майму балацяны павеў, шум палёў, песьні ветру, туманы – ўсё, чым цешыўся, жыў і цяпер чым жыве край мой родны, ў няволю забраны. Песьняў, долі – няма. Гора бачу, бяду, нібы жыў у няволі і рос так. Сьцеражэ цішыня. І я далей вяду тыя самыя крокі і вёрсты.
|
|